اهل توتير فى "فلانتين" الثورة.. الهدية "دبدوب" يغنى يسقط حكم العسكر

لم يحتفل المصريون أمس بعيد الحب كأى عيد سابق حيث طغت أجواء الثورة وتداعيات المشهد السياسي الحالى بشدة على تغريداتهم على موقع تويتر مساء أمس خلال نقاشهم حول المناسبة وكيف قضوها وشيئا فشيئا تحولت التغريدات من نقاشات جدلية حول جدوى الاحتفال بتلك المناسبة فى ظل كل هؤلاء الشهداء الذين فارقوا الحياة والذى كان معظمهم من الشباب الذين خلفوا ورائهم أحباء لهم افتقدوهم بشدة أمس إلى تغريدات ساخرة حملت إسقاطات تضمنت انتقادات للمجلس العسكرى والإخوان المسلمين وأجواء الانتخابات والمطالبة بتسليم السلطة والبرلمان بالإضافة طبعا إلى الحب الذى بدا من خلال تغريداتهم انه يختلف هذا العام تحت الحكم العسكرى بعد الثورة.
وكان من أبرز تعليقاتهم أمس حول طرق التعبير عن الحب فى فلانتاين الثورة : "بحبك حب الثوارللميدان وحب الاخوان للبرلمان وحب العسكرلمبارك وسوزان " ، "فى أول خطوبة فى حب المخلوع ..أبنـاءالمـخـلوع.. فى صحتك ياريس اشرب علشان تنسى" ، "ها تمسك بيكي تمسك العسكري بالسلطة ومش هسيبك إلا على جثتك" ، " حبنا هيفضل طول عمره قوى ..حبنا ولع فى المجمع العلمى " ، "الثوار للداخلية تيجى انا اجلعلك عين وانت تجلعيلي عين ونعيش عور إحنا الاتنين " ، "بحبك أكتر من حب الملثم لمواسير الغاز" ، "بحبك بعدد اللى انتخبوا الحرية والعدالة" ، " بحبك بعدد اللى قالوا نعم على التعديلات الدستورية " ، " بحبك بعدد لجان تقصى الحقائق اللى اتعملت من أول الثورة " "لمستك نسيت الميدان .. حلمت اني واقف ورا عمر سليمان" ، "خلى بالك ..أنا ملتزم بأقصى درجات ضبط النفس رغم كل اللى بتعمليه"، " اقتليني قتلي ما هيعيد علاقتنا تاني بكتب بقلمي ورقة عرفي على حد تاني" ، " ايه رأيك انهاردة نعتصم عند ماسبيرو بيقولوا فى سوشي يجنن هناك بيقدموا معاه مولوتوف شيك بطعم الغاز المسيل "، " فاكر ياحبيبي أول خناقة لينا لما كنت متصور مع واحده تانية وقولتلي انها فوتوشوب" ، " ان شاء الله حنتجوز ونجيب أحلى ولد وبنت ونسميهم خرطوشه ومطاطى" ، "فاكره رعشه ايديكى فى ايدى واحنا بنجرى من الشرطة العسكرية".
وتابعت التعليقات : "الفرق بين عيد الأضحى والفلانتين فى عيد الأضحى بنشترى الخروف أما فى عيد الحب الخروف هو الى بيشترى" ،"قال. يا قافل الحنفية و مستني السرسوب .....يا داخل الفالنتاين من غير دبدوب" ، " الاخوان ... هذا العيد هو التفاف علي مشاعر الشعب" ،"بمناسبة الفالنتاين: مش واجب المجلس العسكرى يجيب هدية لـ "الجماعة" بتاعته" ، "حزب الكنبة : هو اية الي ودا الحبيبة الحدائق اصلا في وقت الفالانتيييييين دا ؟؟" ، " طبعا الشارع انهاردة كله أحمر فى أحمر ما شاء الله كلهم واخدين اعدام ماعدا مبارك" ، " مش دول الكابلز الطاهر بتوع 14-2-2011 دول مندسين بيشوهوا صورة الفالنتاين" ، "الداخليه بتقبض علي الدباديب قبل مينزلوا المظاهرات"، " الإخوان ضد التفرقة بين الحب والرومانسية ومع بقاء عيد الحب حتي انتهاء اليوم المحدد له"، "يعنى ايه فلانتاين يا برادعى ؟؟ يعنى أمك يجيلها ورد احمر ودبدوب .. أمى أنا !! أيوه أمك أنت" ،"حمزاوى : أطالب بجعل الفالنتاين عطلة رسمية . الكتاتنى : لا تزايد يا أخ حمزاوى فأنت لست أكثر مننا رومانسية"
ولهؤلاء الذين لم يحالفهم الحظ حتى الآن فى الحب جاءت تعليقات لتواسيهم فى تلك المناسبة بينما انعكست الغيرة من المحبين على بعض التعليقات مثل "ارفع راسك فوق انت سنجل" ، " يا واد يا سينجل : "السينجل الحق يقول للورد والدبدوب لا" ،"اللي اخترع اسم "حزب الكنبة" ده اكيد كان سينجل وحاسس بمعاناة الشباب في الفالنتاين" ،"المواطنين السينجل الشرفاء هينزلوا يكسروا محلات الورد و الهدايا" ، "سينجل سينجل حتي. النصر...سينجل كل شباب مصر"، " لازم ننظم مليونية عند كل محلات الهدايا .لكل السنجلز تحت شعار . .عايز محبوب نفسي اجيب دبدوب"، " يا نبقى كابلز زيهم يا يبقوا سينجل زينا .. و هذه هى المساواة التى يحلم بها جميع افراد الشعب المصرى".
بينما حظيت التصريحات الحكومية حول ضلوع منظمة تدعى "الدبدوب الدولى " فى قضية التمويل الأجنبي كما تناقلتها صحف حكومية بالسخرية فى ظل انتشار "الدبدوب" كهدية مفضلة فى عيدالحب ومن أمثلة التعليقات : "سؤال وجودى:هى منظمة الدبدوب الدولى ليها علاقة بالفالنتاين داى" ،" هذا العام الفالنتين يأتيكم برعاية منظمة الدبدوب الدولى " ،"الحمد الله عيد الفالانتيييين عدى ع خير .. ولم تقسم مصر الى 7 دول زى ما كان مخطط لها من قبل الدباديب" ، "خلال نص ساعة بس شفت ما لا يقل عن 56 دبدوب! ما ليهم حق يقولوا بنتمول من الدبدوب الدولى بقى" ،"منظمة الدبدوب الدولي هتعمل أحلى شغل انهارده، وهنا لا يسعني الا ان اقول لو مش عاجبك أسلوبي رجعلي دبدوبي" ، " الدباديب الحمرا هى دى الشفرات بتاعة دبدوب الثورة المتآمر ".
وتنوعت هدايا فلانتين الثورة بين : "بارفان برائحة الغاز المسيل للدموع" ، " زجاجة مولوتوف أصلى " ، " دبدوب يغنى يسقط حكم العسكر" ، " خرطوش ورصاص حى لونهم أحمر " ، " ماسك واقى من الغاز المسيل للدموع " ، " جولة بدبابة حمرا مكتوب عليها الجيش حمى الفالنتاين ..الجيش والفالنتاين ايد واحدة " ، " عزومة فى اعتصام التحرير.