mardi 19 mars 2013

بالفيديو .. لميس الحديدي ساخرة:انتوا مش عارفين قيمة الرئيس مرسي

 

سخرت لميس الحديدي من حصول الدكتور محمد مرسي رئيس الجمهورية علي الدكتوراه الفخرية في الفلسفة من باكستان قائلة : لا كرامة لنبي في وطنه   .
وقالت لميس : " النهاردة الدكتور مرسي كان في باكستان وتم إستقباله بحفاوة وحصل علي درجة الدكتوراه في الفلسة .. معرفش ليه الفلسفة .. ولكن من الواضح ان دولة باكستان شافت ان الدكتور مرسي يستحق هذه الجائزة .. أرجوكوا متعلقوش علي الزي .. لان هو دة الزي بتاع الدكتوراه .. فخلينا متحفظين علي الزي دة .
وأضافت ساخرة : "الحقيقة لا كرامة لنبي في وطنه .. الراجل أستقبل بحفاوة بالغة .. انتوا بس اللي مش عارفين قيمته .. انتوا قاعدين هنا تقولوا يسقط يسقط وأرحل أرحل .. وهو هناك بيتكرم .. لدرجة ان رئيس الوزراء الباكستاني قال ان باكستان مستعدة تساعد مصر في التحول الديمقراطي .. والنبي بلاش .. وإذا كانت التجربةا لباكستانية هتبقي نبراس لنا أرجوكم بلاش
وأردفت : بس انا بقترح ان يحصل تبادل للخبرات .. احنا ناخدل تجربتكم في التحول الديمقراطي .. وانتوا خدوا تجربتنا في النهضة من الرئيس مرسي وتشجيع الاستثمار لان دي اعظم تجربة عندنا .. وخدوا بالمرة طائر النهضة .
وأكملت لميس : هتلاقي أرسطو بيقطع شرايينه .. أو أفلاطون بيتألم في قبره من الدكتوراه في الفلسفة

بالفيديو .. لميس الحديدي ساخرة: "انتوا مش عارفين قيمة الرئيس مرسي"
amira eldamasy
Tue, 19 Mar 2013 08:31:00 GMT

Aucun commentaire:

Enregistrer un commentaire