احمد محمد ومينا وكرولس
كنيسه وجامع وفكر التملص
وكل اللى يغلط يقول مش انا
انا فى البلد دى الوحيد اللى مخلص
احنا الحبايب ف ارض السلام
عايشين عليها ف هنا وانسجام
وتلقى النفوس البليده الضعيفه
بتضرب بقوه وتحت الحزام
وتسأل تحقق تقول مين غلط
يقولك محدش ده احنا الكرام
وشايل فى قلبه وبالع ظلط
ويخطب كانه رسول السلام
ومشكل وعدا وفين الحلول
محدش بيسأل محدش يقول
ويفضل محمد مصاحب كرولس
وتفضل كبارهم عليهم فلول
وحسبه عويصه وعايزه ولد
يفصل ما بين الملل والبلد
يكتب ف خانة البطاقه بشر
ويرسم عليها حدود البلد
Aucun commentaire:
Enregistrer un commentaire