د. محمد البكرى يكتب ...
لما شرف البنت يتهان .. ومنها يتعرى الجسد
لما هجموا عليها .. وكل واحد فيهم بيقلد أسد
لما يهجم ألف نسر .... على عصفور ضعيف
هتلاقى نفسك بتتمنى ... لو اتولدت كفيف
... إياك تلومنى .. يا تافه يابن ستين كلب
لأنى بفضح وسختك وبكشفك للشعب
هو انت فاكر لما بنتى تكشف صدرها
وتشوفها كل الدنيا وانت بتدوس بطنها
وهى حرة وعفيفة ..... زى مصر أمها
عاشت فقيرة ولا فكرت يوم تاكل بثديها
إنت فاكرها آيه ؟!! .... بنت من بنات الليل
وهى أشرف من اللى للسلطة يهزوا الديل
قامت تقول للبلد ... قومى وشدى الحيل
قامت تدافع عن كرامتك وانت عايش عويل
تقوم بكل الغباوة ..... يا ذليل يا ابن الذليل
تسحلها وتعريها وتهنها.. وتفضح بلاد النيل
هقولك آيه .. لو إنت راجل بتفهم صحيح الأصول
كنت قلت لنفسك ..على بنت قايم أجول وأصول
علفوك .. زى ما بيعلفوا الكلاب والعجول
عشان تهين ثوار كشفوا للناس الفلول
شرفنا اكبر وأكثر طهرا من اسيادك
اللى.. سرقوا ونهبوا وضيعوا بلادك
بدل ما كنت تظهر مواهبك على الأشراف
كنت وجه سلاحك للى على مصرنا ما يخاف
طلعولنا من السجون حفنة عاهات أشرار
وبرشموهم.. وحطوهم وسط شباب أحرار
عشان يشوهوا ثورة .. قامت تحقق عمار
عشانك انت يا غبى .. قامت تجيب النهار
عايزين يطفوا قنديلها.. واستعملوك ياحمار
Aucun commentaire:
Enregistrer un commentaire